Afaltzera joan aurretik ere Gabon gaua ospatzeko asmoz, ostiral honetarako, abenduak 24, hainbat jarduera antolatu ditu Gazte Asanblada Sopeloztarrak. Horrenbestez, arratsaldeko seietan jarri dute hitzordua udaletxe aurrean, tabernaz taberna poteoa egiteko. Eleizalde kalera helduta, berriz, txokolatada egingo dute sabelak apurtxo bat betetzeko. "Saiatu zaitezte baserritarrez jantzita etortzen, giro paregabea sortzeko", aipatu dute neska-mutil sopeloztarrek. Igandean, ohiko lez, "domeka beroa" izango da Sekeko gaztetxean. 18:30ean proiektatuko duten pelikularen ostean, hanburgesak, musika eta giro ona izango dira. Argazkian, Sekeko gaztetxea / ©
Gazte Asanblada Sopeloztarra.
Hona hemen bihar abestuko dituzten kantak:
Olentzero
Gazteok dekogunez asko esateko
gabon garaian gatoz gazte bezain terko
Olentzero ez dogu asko eskatzeko
oparirik onena delako sekeko!
Gora! Gora! Gure gaztetxea
Sopelak behar dauen gazteen etxea
noiztik da delitua espabilatzea
antolatzea eta indarrak batzea?
Mugitzen segi nahi badozue
behar dan indarrarekin
autogestio bidea zein dan
gure badozue jakin
erdu hona gurekin (bis)
Gazte Asanbladarekin!
Hator, hator
Hator, hator preso etxera
askatasuna gozatzera
gabon gaua ospatutzeko
maite zaituztenekin batera
ikus dezagun ama barrezka
ta aita bere antzera!
Gabi eta Iontxu beste guztiak bezela
sopelan behar direla (bis)
esan dezagun!
Gabon gaua pozik igaro daigun!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun