Metro zerbitzu berezia izango da Gabon gauean zein Gabon zaharrean
2010ko abe. 23a, 20:03
Biharko Gabon gauean erabiltzaileentzako zerbitzu berezia ezarriko du Metro Bilbao garraio enpresak. Goizaldeko ordu batetatik Eguberri-egun goizeko 10:15era bitartean, enborrean (Etxebarri-San Inazio) 15 minutuko eta itsasadarraren eskuin zein ezkerretako adarretan 30 minutuko maiztasuna izango dute trenek. Ondoren, 10:15etik aurrera, zerbitzua jaiegunetako ohiko ordutegia berreskuratuko du. Hala ere, arduradunek jakinarazi dutenez, bihar, 21:00etatik goizaldeko ordu batetara bitartean, metro-zerbitzurik ez da egongo. Argazkian, metro geltoki bat bidaiariz gainezka.Urtero legez, Gabon zahar gauean ere zerbitzu berezia eskainiko du Metro Bilbaok, 00:45etik aurrera. Egun horretan, 20:20an Plentziatik, 20:40an Portugaletetik, 21:01ean Etxebarritik Santurtzira eta 21:06an Etxebarritik Plentziara irtengo dira azken trenak. Goizaldeko 00:45etik 03:00ak arte, metroak 5 minuturo ibiliko dira Etxebarri eta San Inazio artean, 10 minuturo Bidezabal eta Santurtzira, eta 30 minuturo Plentziara. Hirurak eta seiak bitartean, berriz, maiztasuna 10 minutukoa izatera pasako da enborrean (Etxebarri-San Inazio) eta 20 minutukoa gainerakoetan. Ondoren, goizeko bederatziak arte, Etxebarri eta San Inazio artean 5 minuturo izango dira bidaiak, 10 minuturo Bidezabal eta Santurtzira eta 20 minuturo Plentziara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun