Sopelako Turismo Bulegoaren irisgarritasun maila saritu du Eusko Jaurlaritzak
Eusko Jaurlaritzaren Industria, Merkataritza eta Turismo Sailaren irisgarritasun zigilua jaso du Sopelako Turismo Bulegoak. Irisgarritasun Programaren bitartez, aipatu establezimenduak edonor modu egoki batean orientatzeko egokitzen dituzte, dibertsitate funtzionalaren araberako bost alderdi kontuan hartuta: fisikoa, bisuala, entzumenekoa, intelektuala eta organikoa. Azken hori, arnas-zailtasunak zein berariazko dietak behar dituzten pertsonei begira. Naiara Ibarzabal zinegotziak jaso zuen zigilua azaroaren 12an, Pilar Zorrilla Jaurlaritzaren Merkataritza eta Turismo sailburuordearen eta Isabel Muela Turismo zuzendariaren eskutik. "Ekimena irisgarritasun premiak dituzten pertsonei kalitatezko turismo-zerbitzu seguru eta erosoa emateko sortu zen", tokiko iturriek aipatu dutenez. Argazkian, zigilua jasotako unearen talde argazkia / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun