Euskaraz diharduten 102 denda, taberna eta jatetxe daude Sopelan
2010ko abe. 28a, 18:33
"Euskaraz atseginez" egitasmoaren barruan, zerbitzua gure hizkuntzan emateko moduan dauden merkataritza zein ostalaritza establezimenduak zeintzuk diren ezagutzera eman dute Sopelan. Uribe Kostako Mankomunitateko Euskara Zerbitzuaren, Udalaren eta Aitxu! tokiko euskara taldearen elkarlanari esker, hasiera batean 267 dendari eta ostalariekin jarri ziren harremanetan. Horien artetik 102 saltoki eta tabernetan banatu dute bertoko langileekin euskaraz egin daitekeela frogatzen duen ikurra. Bestalde, horiei guztiei doako zenbait zerbitzu eskaini die Mankomunitateak: hizkuntza eta terminologiari buruzko kontsultak, itzulpenak, testu zuzenketak, agiri zein kartel ereduak, hiztegiak eta merkatari zein ostalariei zuzendutako doako euskara ikastaroak, besteak beste. Argazkian, 2010eko martxoaren 13an "Euskaraz atseginez" egitasmoa aurkeztu zuten Sopelako udaletxeko sarreran / © Sopelana.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun