Haren koherentzia politikoa baloratu behar dugu baita haren ideiekin bat ez gatozenok ere, ideia horiek defendatzeko demokrazia eta errespetua erabiltzen baitzituen berdin pentsatzen ez dutenekin. Euskadi pobreagoa eta pluraltasun txikiagokoa da gaur Sabin Intxaurraga falta zaigulako. Baina bere lana geratzen zaigu, haren herrikideen aldeko lana, baita haren militantzia eredua ere, Sabinek haurtzarotik miresten zituen ideietan militante izatearen eredua, hain zuzen. Har beza atsedena.
Patxi Lopez Eusko Jaurlaritzako lehendakariak gaur Irekia.net webgune instituzionalean argitaratutako artikulua.
[cc-by Patxi Lopez - Irekia.net] Nire dolumin zinezkoena helarazi nahi diet Sabin Intxaurragaren senideei eta haren alderdiko kideei, Eusko Elkartasuneko kideei. Sabinen heriotzak gehiago atsekabetzen gaitu goiz eta ustekabean iritsi delako. Haren hutsunea igarriko dugu, izan ere, politikoa eta euskal administrazioko hainbat alorretan arduraduna izan baino lehen, Sabin pertsona ona zen, bere idealei buru-belarri lotutako gizakia eta bere herriaren alde lan egiteko prest zegoena beti. Hori erakutsi zuen bere herrian, Zeanurin, alkate izan zenean, Garaikoetxea lehendakariaren idazkari zenean eta Eusko Jaurlaritzako hiru sailetako sailburu izan zenean. Argazkian, Sabin Intxaurraga pasa den irailaren 11n, bidea oztopatzen zion ertzain bati pertsona bat aske uzteko eskatzen zionean, "Denontzat eskubide guztiak euskal herri osoan!" debekatutako manifestazioaren deitzaile gisa / cc-by-nc-nd Ekinklik.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun