Dendariek DINA3 neurriko orri bana emango diete bezeroei. Horietan, neska eta mutil baten argazkiak agertzen dira, eta, ondoan, moztu eta jarri beharreko 25 jantzi mota: jertseak, kamisetak eta praka bakeroak, besteak beste. Orriaren atzeko partean, berriz, hiztegi txiki bat ageri da, elkarrizketa eredu batzuekin batera. Gainera, Oskorri musika taldeak jantziei buruz abesten duen kanta baten letra ere irakur daiteke. Guztira, 125 dendek parte hartzen ari dira aipatu ekimenean.
GetxOnegin
Tellagorri, Arotza eta Portu Zaharra tabernek irabazi dute Getxoko Udalak abenduaren 18 eta 19rako antolatutako GetxOnegin pintxo lehiaketaren bigarren edizioko epaimahaiaren, bezeroen eta euskararen erabilera onenaren sariak, hurrenez hurren. Guztira, 33 establezimenduk (2009an baino 10 gehiagok) parte hartu dute ekimenean eta 4.150 boto zenbatu direa, iaz baino 650 gehiago; bezeroek pintxoei emandakoak, alegia. Epaimahaiak ematen duen saria Algortako Tellagorri tabernarentzat izan da, “Txakolinarekin gainerretako itsas trikua” pintxoagatik. Bere osagaiak itsas trikua, kipula, berakatza, piper berdea, porrua, tomatea, Itsas Mendi txakolina, gatza, piperbeltz zuria, esne-gaina eta gurina dira. Guztira 550 pintxo saldu zituzten. Bestalde, herritarren iritziz, pintxorik baloratuenaren saria Itzubaltzeta / Romoko Arotza tabernarentzat izan da. Ostatu horrek, gainera, bigarren urtez lortu du saria. Oraingo pintxoa “Wind txikia” izenekoa izan da, filo-pasta, espinaka, kipula karamelutan, mahaspasa, pinazi, tomate eta legatzarekin eginda. Azkenik, "euskararen erabilera onena" erakutsi duen taberna, hau da, "euskara hoberen zaindu duenaren saria" Algortako Portu Zaharra tabernarentzat izan da. Bere pintxoa “Begetariano mexikarra” izan da, piper berde, piper gorri, "jalapeño", "guakamole", berenjena eta tipularekin.
Puntuazioa eman zuten herritarren artean zozketatuko bi pertsonentzako afaria (Basalbo tabernan) Baserri taberna algortarrean pintxoa jan eta “Mexikotik mundura eta Baserritik gure ahora” leloa ipini zuen auzokide batentzat izan da. Gogoratu puntuak emateaz gain, "hitz goxoak" ere asmatu behar zirela. Bestalde, Euskolabel produktuen otzara Areetako Rio tabernan pintxoa jan zuen Jon Aurrerentzat izan da. Berak jarritako leloa: “Ortuan hartu, ahoan sartu”. Euskolabel produktuak erabili zituen tabernarien otzara Algortako Sustrai tabernarentzat izan da.
Merkataritzan euskararen erabilera "sustatzeko" asmoz, "Jantziak euskaraz, arropa-dendan ere euskaraz" izeneko kanpaina martxan jarri du Getxoko Udalak. Jantzi, opari, jostailu eta kirol dendetan ebakigarriak banatu dituzte, bezeroei oparitzeko. Horiekin, hainbat jantzien euskarazko izenak zabaldu nahi dituzte. Halaber, udalerriko saltokietan euskaraz eskatzea eta erostea bultzatu nahi dute, "gure konpromisoa euskaraz bizi ahal izateko urratsak ematen segitzea baita", Koldo Iturbe zinegotziak adierazi duenez. Dendetan ez ezik, ikastetxeetan eta euskaltegietan ere egongo dira eskuragarri ebakigarriak. Argazkian, merkataritza establezimenduetan euskara sustatzeko, azken urteotan hainbat ekintza antolatu ditu Getxoko Euskara Zerbitzuak, tartean aurten Tellagorri, Arotza eta Portu Zaharra tabernek irabazi duten GetxOnegin pintxo lehiaketa / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun