Metro Bilbaok bost minuturo eskainiko ditu trenak Gabon zahar gaueko ordu jendetsuenetan

Metro Bilbao hamargarren urtez ibiliko da Gabon zahar gauean eta bost minuturo egongo dira trenak ordu jendetsuenetan. Abenduaren 31n, azken konboiak ondoko orduetan irtengo dira: 20:20an Plentziatik; 20:40an Santurtzitik Etxebarrira; 21:01ean Etxebarritik Santurtzira eta 21:06an Etxebarritik Plentziara. 00:45ean hasita, goizaldeko 3:00ak arte, trenak bost minuturo ibiliko dira Etxebarri eta San Inazio artean, hamar minuturo Bidezabal eta Santurtzira eta 30 minuturo Plentziara. Goizaldeko 3:00ak eta 6:00ak bitartean, maiztasuna hamar minutukoa izango da Etxebarri eta San Inazio artean, eta 20 minutukoa gainerakoan. Halaber, 6:00etatik 9:00ak arte, trenak bost minuturo ibiliko dira Etxebarri eta San Inazio artean, hamar minuturo Bidezabal eta Santurtzira eta 20 minuturo Plentziara. Bestalde, urte berriarekin batera ez dira bakarrik argia (%9,8) eta gasa (%3,8) igoko Metro Bilbaok ere bataz beste %2,5 igoko ditu txartelak (ikusi tarifa berriak) 2011ko urtarrilaren 1ean. Besteak beste, creditrans-a erabilita 2 zentimo gehiago bidai bakoitzeko; joanaldikoa erabilita 5 zentimo gehiago. Argazkian, metro geltoki bat bidaiariz gainezka.