Euskalmet Euskal Meteorologia Agentziaren arabera, 100 kilometro orduko haize boladak espero dira asteazken eta ostegunerako. Hori dela eta, alerta horia ezarri du bi egunetarako Eusko Jaurlaritzako Herrizaingo Sailak. Euskalmetek dioenez, bihar haize bolada zakarrak izango dira eguerdiko hamabietatik gaueko hamabiak arte, batez ere haizeguneetan. Hegoaldeko haizea izango da eta mendi inguruetan 100 kilometro orduko abiadura gainditzeko probabilitatea dago. Ostegunean ere haizete gogorrak izango dira.
Asteazkenean tenperaturak gora egingo du berriro, hego-mendebaldeko haizea zakartuko baita. Goizean hegoaldetik hodeiak ugarituz joango dira eta euri apur bat utziko dute barnealdean. Haizea hizpide izango dugu, egunaren bigarren partean batez ere, orduan haize-bolada oso gogorrak espero baitira. Tenperatura maximoak igo eta 13-17 gradu artean ibiliko dira. Errege egunean haizea izango da protagonista. Zenbait lekutan hego-mendebaldeko haizeak gogor joko du, egunaren lehenengo partean batez ere. Haize zakarraren laguntzaz, tenperatura gradu para bat igoko da berriro. Euria egiten jarraituko du, baina prezipitazioa txikia izango da; Araban eta Nafarroan egingo du gehiengoa, iparraldeko hainbat tokitan ateri egongo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun