2011eko urtarrilaren 15ean, sareko entziklopedia libreak, Wikipediak, 10. urte beteko ditu. Egun horretarako hainbat ekintza antolatu dira mundu guztian zehar eta Euskal Herrian ere ospatzeko asmoz dabiltza Euskarazko Wikipediaren administratzaileak. Horregatik, urteurrena auzolanean burutzeko asmoz, internauta euskaldunengana jo dute ospatzeko ideiak proposa ditzaten. Horretarako, wiki-orria prestatu dute. Dena den, ez dute baztertu ospakizunak atzeratzea. Euskarazko Wikipedian 63.053 artikulu aurki daitezke. Gaur egun, eduki gehien duten 50 wikipedien artean dago, 44. postuan. Bestalde, hautsak harrotu ditu Wikimedia Fundazioak entziklopedia askea eta beste proiektu batzuk sakontzeko urtero antolatzen duen Wikimania topaketa aurten Haifan egitea, abuztuko 4tik 7ra. Palestinako hiria 1948ko Nakbaren ostera Israelgo Estatuaren zati bat da eta antzinako hiritar asko Libanon errefuxiatuta bizi dira. Wikimania boikoteatzeko deia egin dute jada euskal internauta batzuek. Irudian, Wikipediaren logotipoa / © Wikimedia Foundation.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun