Gazteen hitzetan, ondoko txokoan inor ez zegoelako hurbildu zen beraien lonjara udaltzain patruila. Auzokide batek deitu omen zien poliziei, aipatu lehenengo lokal horren kanpoaldean istilua zegoelakoan. Momentu oro udaltzainek "jarrera oldarkorra, gizabide eskasa eta errespetu falta izugarria" erakutsi zutela salatu dute: "poliziek borra luzagarriekin jo zuten lehenengo atxilotua. Erakutsitako indarkeriaren ondorioz, eskumuturrean fisura eta buruan zauria dauzka. Neska, bere aldetik, hanketan eta sorbaldan ubeldurak dauzka, borren kolpeen ondorioz", adierazi dute neska-mutilek. Bestalde, udaltzainak jotzen hogei pertsona ibili zirenik gezurtatu dute. Euren hitzetan, "lehenengo mutila izan zen hiru udaltzainen kontra jo zuen bakarra".
Salaketak
Hiru atxilotuak eraman zituztenean polizia gehiago hurbildu ziren tokira eta gazteek pertsiana jaitsi zuten. "Udaltzainak eta ertzainak lokalaren kanpoaldean geratu ziren neska-mutilok noiz irtengo zain. Gauzak horrela, bat kalera irten zenean, poliziek momentua aprobetxatu eta lonjara sartu ziren borrak eskuan", azaldu dutenez. Barruan zeuden gazte guztiak kalera atera eta identifikatu zituzten. Ertzainetako batek “zuen kontra joango gara” esan omen zien. Bitartean, aipatu lonjaren kontra jarritako salaketak hogei direla zabaldu zuen "El Correo Español" egunkariak. Gazteek adierazi dutenez, salaketa bakarra jaso dute. "Bestalde, beste gezur bat da kristalezko botilak eta edalontziak bota zitzaizkiela poliziei", amaitu dute neska-mutilek.
Getxoko Udalak eta hainbat hedabidek zabaldutako bertsioa gezurtatu dute Algortako lonjako gazteek
2011ko urt. 8a, 16:27
Urteberri-egunean Algortako Illeta kaleko lonja batean izan omen zen liskarraren ondorioz, "hiru gazte atxilotu eta osagileek bost udaltzain artatu behar izan zituztela" zabaldu zuen astelehenean Getxoko Udalak. Bestelakoa da bertoko neska-mutilen bertsioa. Salatu dutenez, jarrera oldarkorrean iritsi ziren bost udaltzainak txokora. Ate erdian jarrita, ezin zirela sartu esan zien mutila "lurrera bota zuten eta neska baiten gainean erori zen". Orduan atera omen zen lonjatik horren mutil-laguna, hiru udaltzaini aurre eginez (beste biak atzerago zeuden). Polizietako bati zaplaztekoa emanda ihesari ekin ei zion orduan. Udaltzainak bere atzetik joan, atxikitu eta lurrean bilurrak jarrita utzi zutela azaldu diote UKBERRI.NETi gazteek. Mutil-laguna altxatzera joan zen neska ere "lurrera bota" eta atxilotu egin zuten, salatu dutenez. Bikotea patruila-autora eramaten ari zirela, berriro ere bota omen zuten lurrera neska. Beste mutil bat emakumea jasaten ari zen tratuaz kexatu zen eta, "harroxko jartzen ari zara zu" esanez, atxilotu zuten udaltzainek, lonjakoek adierazi dutenez. Argazkian, 2010eko apirilaren 15ean udaltzainak agertu ziren Itzubaltzeta / Romoko Errekagane kalean, bertoko lonja batean obrak egiten ari zirela eta. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun