ETAk bidalitako bideoa
ETAren agiria
Bruselako eta Gernikako adierazpenen sinatzaileei erantzunez, su-eten iraunkor, orokor eta egiaztagarria aldarrikatu du ETAk. Hala jakinarazi du "Gara" egunkarira eta Euskal Irratietara bidalitako agiriaren bidez (pdf). "Nazioarteko komunitateak egiaztatu ahalko duen su-eten iraunkor eta orokorra adieraztea erabaki du ETAk. Horixe da behin betiko konponbiderako prozesuarekiko eta konfrontazio armatuaren amaierarekiko ETAk duen konpromiso irmoa", dio hitzez hitz erakunde armatuak agirian. Hiru hizkuntzetan bidali du ETAk agiri berria (euskaraz, espainolez eta ingelesez). Lehenengo bi hizkuntzetan bideoa grabatu du erakundeak.
Agiri laburra da ETAk plazaratu duena. Lehenik eta behin azpimarratzen du nazioarteko zein Euskal Herriko eragile esanguratsuek "mendeetako gatazkari konponbide justu eta demokratikoa" emateko beharra adierazi dutela, eta eurek bat egiten dutela helburu horrekin. Ildo horretatik, konponbidea "elkarrizketa eta negoziazioa lanabes eta euskal herritarren borondatea iparrorratz" duen prozesutik etorriko dela dio, eta prozesu hori bultzatzeko eta arlo horretan duen konpromisoa adierazteko su-eten egiaztagarri, iraunkor eta orokorra ematea erabaki duela. Prozesua azken bururaino eramateko ahaleginean "etsi gabe" jardungo duela azpimarratu du bukatzeko.
ETAk bidalitako bideoa
ETAren agiria
ETAk bidalitako bideoa
ETAren agiria
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun