Gaur, astelehena, 53 urte bete ditu Alfonso Etxegarai Atxirika deportatu plentziarrak. Tokiko ezker abertzaleak gogoratu duenez, "Alfonek ia bizitza erdia eman du deserrian". Izan ere, 1986ko abuztuaren 14tik dago munduko herrialderik txiroenetakoa den Sao Tome eta Principeko Errepublika Demokratikoan, Ginea Golkoko 1.001 kilometro koadroko eta 160.000 bat biztanleko herrialdean. "Horra, Ekuadorreko Poliziak indarrez eta inolako lege-izapiderik egin gabe eraman zuen. Gainera, zazpi hilabete lehenago, bertako Poliziak metraileta buruan jarrita bahitu zuen eta Espainiako zerbitzu sekretu edota segurtasun indarretako kideek torturatu zuten", salatu dutenez. Plentziako ezker abertzaleak adierazi duenez, "aukera ona da postal, gutun edo zerbait bidaltzeko, urteak egiteaz batera bere konpromisoan eredugarri ditugun euskal gudariei zorionak eta eskerrak eman eta gure elkartasuna adierazteko". Argazkian, Alfonso Etxegarai Plentziako deportatua eta Kristiane Etxaluz bere emaztea / © GITE-IPES.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun