Gainera, Estatu espainiarrean aurreko denboraldian burututako lan ona egin nahi dute aurten ere: "Espainiako txapelketa irabazi nahi dugu, erlojupekoan eta bidean, baina batez ere Espainiako Kopa irabazi nahi dugu, Elitean eta 23 urtez azpikoan". UCI Lointek taldeak otsailean hasiko du lehia, Olot get Van Nieewlanden (Belgika). 11 txirrindulariz osatuta dago: Anne Marie Schmitt, Judit Masdeu, Fanny Riberot, Belen Lopez, Leticia Gil, Mireia Epelde, Esther Alves, Lucia Gonzalez, Arantza Garcia, Emilie Blanquefort eta Eneritz Iturriaga. Taldeko zuzendaria Loli Sansano da, bigarren zuzendaria Miguel Sanchez da eta mekanikoa Xabier Angulo da.
Hotel Modus-Vivendi
Bere aldetik, Hotel Modus-Vivendi taldean 15 txirrindulari ariko dira kadete (Melany Garcia, Paula Mora, Yaiza Agirre, Arantza Dilla, Ainara Simon eta Yaiza Vega), junior (Irati Idirin, Ruth Telleria, Estibaliz Moran, Ainhoa Candil eta Eider Merino) eta 23 urtez azpiko (Sandra Trevilla, Yaiza Grande eta Mar Bonnin) mailetan. Zuzendaria Jasone Castresana da eta bigarren zuzendari eta mekanikoa Adrian Fernandez.
Italiako Giroan parte hartzea espero du UCI Lointek taldeak
2011ko urt. 10a, 19:13
Sopelako Ugeraga Kirol Elkarteko bi emakume txirrindulari taldeak, UCI Lointek eta Hotel Modus-Vivendi, aurkeztu zituzten ostiralean, Kurtzio Kultur Etxean. Ekitaldi jendetsua izan zen eta kirol, politika eta kultur arloetako hainbat aurpegi ezagunak ikusi ahal izan ziren. Josu Landaluze alkateorde sopeloztarrak bi taldeek egindako lana goraipatu zuen: "Bi taldeek garrantzi handia dute Sopelarentzat, gure herriaren izena eramaten baitute Espainia osora eta nazioarte mailara". Emilio Ramos Elite UCI Lointek Emakume Taldearen presidenteak azpimarratu zuen "taldeak denboraldi bikaina" egin duela Espainian, "baina orain atzerrian aurrerapausoa eman beharra" dagoela. Hala, bere desio nagusiena Italiako Girorako gonbita jasotzea da. "Lasterketarik garrantzitsuena da eta aurten bertan egotea espero dugu", azaldu zuen. Argazkia: © Sopelana.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun