Euskal Herriko Unibertsitatea ere itxaropen horri atxiki nahi zaio, ondo dakigulako bizi dugun une hau oso garrantzitsua izan daitekeela. Horregatik, nahi genuke unibertsitate giroko eztabaidetan ohikoak diren balioak hedatzea etorkizunean eztabaida politikora ere: ideiak askatasunez erkatzea, hipotesiak argudio bidez onartzea edo baztertzea, adostasun-guneak aurkitzen ahalegintzea, eta, batez ere, sentsibilitate guztiek hitzaren bidez parte hartzea, eta ez, inola ere, indarra erabiliz.
Aukera baten aurrean gara. Gizarteak eta erakundeek bakezko elkar bizitza eraikitzeko lanean jarraitu behar dugu, hori baita belaunaldi berrientzat utz genezakeen ondarerik baliotsuena.
EHUko Errektoretza: "Gaur, zalantzarik gabe, itxaropen-eguna da"
2011ko urt. 10a, 19:20
ETAk su-eten iraunkor eta egiaztagarria egingo duela jakinarazi duen honetan, Euskal Herriko Unibertsitateko Errektoretzak, lehenengo balorazioa eginez, ondokoa jakinarazi nahi dio iritzi publikoari: politika mailako gogoetetan sartu gabe, horiek ez baitagozkio unibertsitateari erakunde akademiko gisa, berri positiboa dela irizten diogu, eta gaur, zalantzarik gabe, itxaropen-eguna dela adierazi nahi dugu. Bost hamarkada baino gehiago indarkerian bizi ondoren, gaur bakeari aukera bat eskaini zaio. Argazkian, Leioa eta Erandioko campuseko bigarren ikasgelategia / © EHU.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun