Ikerketetan parte hartzen duten pazienteen baimen informatuari buruz arituko dira bihar Leioako campusean
Ostegun honetan, urtarrilak 13, “El consentimiento informado en la investigacion universitaria con seres humanos” izenburuko hitzaldia eskainiko du Pablo Simon Lorda doktoreak, Leioa eta Erandioko campusean. Hitzordua goizeko hamarretan jarri dute, Zientzia eta Teknologia Fakultateko paraninfo ondoko aretoan. Baimen informatua mediku-izapide formal bat da. Horren bidez, pazienteak prozedura terapeutiko eta diagnostiko zehatz bat onartzen du, horiei buruzko informazio egokia jaso eta gero, EHUko iturriek azaldu dutenez. Formula hori konplexutasun handiko ebakuntza jasan behar duten pazienteekin zein zientzia-esperimentuetan edota laborategietako frogetan parte hartzen dutenekin erabiltzen da. Doktoreak aurreratu duenez, “baimen informatua laguntza klinikoko harremanetan eta saiakuntza klinikoetan sakon garatu den gaia da. Hala ere, zailagoa da bere aplikazio osoa gauzatzea gizakiekin egiten diren ikerketa mota anitzetan, bere lagin edo datuetan unibertsitate-ikerketetan”. Argazkian, EHUko Zientzia eta Teknologia Fakultatea.
Pablo Simon Lorda Medikuntzan doktorea, Espainiako Bioetika Batzordeko (EASP) kidea eta Andaluziako Osasun Publikoaren Ikastetxean (EASP) Hiritartasuna eta Etika Saileko irakaslea da, Bioetikan Magisterra (UCM); eta, besteak beste, “Consentimiento informado. Historia, teoria y practica” eta “¿Quien decidira por mi?” (Ed. Triacastela) liburuen eta baimen informatuari edota bioetikaren beste ezinbesteko arlo batzuei buruzko artikulu ugariren egilea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun