Zortzi egunez Hego Euskal Herriko hainbat herritan egongo da entzungai "Transgenikoak: laborategiak heriotza ereiten" izenburuko hitzaldia, Buter adituaren eskutik. Hain zuzen ere, Algortan egingo dute lehenengo saioa. Astelehen honetan, hilak 17, Eztabaida gune antiautoritarioak hartuko du solasaldia, 19:00etatik aurrera. Antolatzaileen arabera, "ezkutuko arrisku batek inbaditzen ditu munduko herriak: transgenikoak. Munduko izaki guztien eboluzio prozesu naturalean kalte kontaezinak eragiten ari den inbasioa da. Inperialismo mundialaren beste adarretako bat den bioinperialismoak, bere etapa neoliberalean, gizadia harrapatu eta erailtzen du. Tiraniaren aurka hezkuntza eta antolakuntza herrikoiak garatzeko ezinbesteko beharrean aurkitzen gara". Argazkian, Eztabaida gune antiautoritarioa (Algortako Amesti kaleko 3. zenbakia) kanpotik / publicdomain Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun