"Getxon atzerritarren kopuruaren hazkundea etengabekoa eta moderatua da, profil aldakorrarekin, eta horrek harrerarako moduluak aldioro beharrezkoak izatea eragiten du", nabarmendu du Elena Coria Immigrazio Unitateko zinegotziak. Ildo horretan, esan duenez, "lanerako eta gizarterako ahalmenak lortzeko eskaintza malgua egotea oso beharrezkotzat jotzen dugu, baita udalerrian denbora luzeago bizitzen daramatenentzat ere". Zinegotziaren hitzetan, "erabiltzaileen mobilizazio sozialaren aldeko lan handia" egiten ari den Munduko Medikuak GKEaren eskutik, tailerrek "gizarte eta lan arloko berariazko prestakuntza eta gizarte-baliabideen, inguruaren eta harrera-gizartearen gaineko ezagutza" eskainiko dituzte.
2010eko balantzea
Guztira 96 lagunek (aurrekoaren antzeko kopurua) —horietatik %75 emakumezkoak— parte hartu zuten 2010eko 30 asteburutan antolatutako bost tailerretan. Iaz informatikako tailerrak izan ziren eskatuenak. "Datuek eta erabiltzaileei egindako iritzi inkestek agerian utzi dute Getxon Bizi programak ezinbesteko harrera duela Getxoko etorkinen artean", nabarmendu du Coriak. Parte-hartzaileen %87k Hego Amerikako nazionalitatea zuten eta berritasun bezala Ekialdeko Europako eta Afrikako lagun batzuk ere izan ziren. Bestalde, lagunen %40 egoera erregularrean zeuden; egoera irregularrean izan ziren onuradunen kopurua aurreko urtekoaren aldean jaitsi zen eta tramitatzen zeuden eta komunitarioen baimenak areagotu ziren.
Elikadura, informatika, zaintza eta ostalaritzari buruzko ikastaroak eskainiko ditu aurten Getxon Bizi programak
2011ko urt. 13a, 14:53
Getxon Bizi egitasmoaren bitartez, doako lau ikastaro egiteko aukera eskainiko die bizilekua udalerrian finkatu berri duten Espainiatik kanpoko atzerritarrei tokiko Udalak. Eskolak igandeetan izango dira, urtarriletik urrira bitartean, 10:00etatik 14:00etara. Lehenengo tailerrean izena emateko epea bihar zabalduko dute. Elikadura eta sukaldaritzari buruzkoa izango da, eta urtarrilaren 30ean abiatuko da. Martxoan eta apirilean informatika ikastaroaren lehenengo saioa egingo dute eta ekainean eta uztailean bigarrena. Maiatzetik ekainera, berriz, menpekotasun egoeran dauden pertsonen zaintzari buruzko eskolak izango dira; eta azkenik, ostalaritza tailerra, irailetik urrira. Ikastaro bakoitza hasi baino egun batzuk lehenago zabalduko dute izena emateko epea, udal iturriek adierazi dutenez. Amaitzeko, txangoa egingo dute euskal geografia, historia eta kulturaren adierazgarri diren herri eta lekuetara. Parte hartu nahi dutenek herritarren arretarako bulegoetan izena eman dezakete. Informazio gehiago 944 660 151 telefono zenbakian eska daiteke. Argazkian, Kulturarteko Topaketen bederatzigarren edizioa urriaren 17an Arretan / cc-by-nc-sa Agirregabiria.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun