Hain zuzen ere, urtarrilaren 24an izango da Iñaki Aurrekoetxea Zubilaga “Sope” euskal iheslari politikoaren heriotzaren 15. urteurrena. Sopeloztarra Bordeleko ospitalean hil zen, Baionako bere etxean koman zegoela aurkitu ondoren, bihar bost urte zendutako Aitor Elortza algortarraren antzeko egoera batean. Aurrekoetxea espetxetik irten eta, Guardia Zibilak jazarrita, ihes egin behar izan zuen 1979ko urtarrilean. Hamazazpi urte egin zuen herritik kanpo, "iheslariaren bizimodu eta tentsio latzetan", Uribe Kostako AAMk zehaztu duenez. Azkenean, ospitalean hil zen 1996ko urtarrilaren 24an, gaixotasun kroniko baten ondorioz.
Bisi Unanue
2009ko irailean zendu zen Aitor Elortzaren ama Bisi Unanue, gaixotasun baten ondorioz. Uribe Kostako AAMk azaldu duenez, "Algortako abertzaletasunaren erreferentzia izan zen urte askoan: indarra eta kemenaren irudia izan zen herrian. Erbestea eta espetxea ere ezagutu izan zituen, baina beti askatasuna lortuko bada aurrera egiteko aldarria zabaldu zuen gure artean".
2009ko urriaren 30ean omenaldia egin zioten Algortan Bisi Unanueri:
Ikusi atzoko ekitaldiaren irudiak:
Aitor Elortzari omenaldi xumea egin diote Algortan
2011ko urt. 15a, 10:45
Aitor Elortza Unanue iheslari politiko algortarra zenari omenaldi xumea egiteko asmoz, 150 lagun inguru bildu ziren atzo, iluntzeko zortzietan, Telletxe plazan. Aurreskua dantzatu ondoren, lore sorta eskaini zieten Elortzaren arreba eta haren familiakoei. Bertsolari bik (mp3) Algortako seme horren "bizitza eta borroka" gogoratu ondoren, Amnistiaren Aldeko Mugimenduko kide batek (mp3) omendutakoak bere bizi-proiektua "Euskal Herriaren askatasunaren aldeko konpromisoarekin" lotu izana azpimarratu zuen. Elortzak omenaldia "merezi" duela esan zuen, baina "guk ere omenaldiaren beharra" daukagula, "Aitorren eta gudari guztien borrokak bizitzaren norabidea erakusten digutelako". Bere ama Bisi Unanue eta iheslari politikoa ere bazen Iñaki Aurrekoetxea “Sope” ere gogora ekarri zituen, eta iheslari eta preso guztien askatasuna aldarrikatu ostean, "Eusko gudariak" kantatu zuten bertaratu guztiek. Argazkian, Aitor Elortzaren sendia atzoko ekitaldian.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun