Gaurko agerraldian irakurritako idatzia:
Itzubaltzeta / Romoko 150 gizon-emakume inguru elkartu dira gaur, herriko gazte bat "atxilotua izateko arriskuan" dagoela salatzeko. Agerraldian adierazi dutenez, "tortura basatien bitartez (mp3)", aipatu mutila erruztatzera behartu zuten urriaren 22an atxilotutako Imanol Beristain itzubaltzetarra poliziek, "zerrenda beltz makabro batean sartuz". "Prozedura berbera errepikatzeko arriskuan aurkitzen gara: gure herrikidea atxilotu, torturatu eta herriko gazte gehiagoren izenez osatutako zerrenda beltza handitzea", ohartarazi dutenez. Gauzak horrela, Beristainek inkomunikazio aldian jasandako "tortura basatiak eta torturatzeko dagoen zigorgabetasuna" salatu eta beraien herrikideari, "atxilotua izateko arriskuan egonagatik", babesa eman diote. Bide horretan, herritar guztien parte hartzea eskatu dute: "Euskal Herritar guztien eskubideak bermatuak izateko eta proiektu politiko guztiak, berdintasunean, gauzatu ahalko diren egoera demokratikoa eraikitzeko konpromisoan berresten gara. Jakin badakigu soilik herritarren parte-hartze eta aktibazioaren bitartez eraikiko dugula eskubide urraketei amaiera emango dien harresia", amaitu dutenez. Argazkian, gaurko agerraldia.
Atxilotua izateko arriskuan dagoen gazteak (mp3), bere aldetik, biziki eskertu ditu senide, lagun eta hurbilekoek berari zein Imanol Beristaini eman dieten babes eta laguntza. Bestalde, urriaren 22ko sarekadan atxilotutako 14 gazteak inkomunikatu eta "torturatu" ostean, Poliziaren zerrenda beltzetan dauden gazteak 50etik gora direla adierazi du. "Baina ez dugu ihes egingo, herrian geratuko gara", aipatu du ondoren. "Bost egunez poliziaren eskuetan inkomunikatuta egotea zer izan daitekeen aurreikusi badezakegu ere, handiagoa da Euskal Herriaren alde lan egiteak egiten digun ekarpena. Aski ezaguna da herrian egiten dugun lana. Hobeto ala okerrago, baina zintzotasunez. eta inork gutxi jarri dezake zalantzan gure jardueraren zilegitasuna. Ez dugu inor menderatu nahi. Aske izateko baino ez dugu borrokatzen. Horrek ekar dezakeena zer den badakigu, baina hemen jarraituko dugu, orain arte bezala, apaltasunez lanean eta egindakoaz harro", azaldu duenez.
Gaurko agerraldian irakurritako idatzia:
Gaurko agerraldian irakurritako idatzia:
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun