Eski ikastaroa eta asteburu pasa antolatu dituzte Gorlizen
2011ko urt. 17a, 14:21
Gorlizko Udalak Aragoiko Formigal herrira antolatu du bidaia otsailaren 4tik 6ra arteko asteburutako. Tokiko iturriek adierazi dutenez, udalerrian erroldatuek zein kanpokoek dute aukera eskiatzeko irteera horretan parte hartzeko. Horretarako, Turismo Bulegoan (Iberrebarri plaza, 4) eman beharko dute izena, urtarrilaren 27a baino lehen. Bidaia 145 euro kostatzen du gorliztarrentzat eta 175 euro gainontzekoentzat. Salneurriaren barruan daude autobus bidaia, Midi apartamentuetan ostatua, larunbatean eta igandean eskiatzeko forfaitak, asegurua, eta larunbateko gosaria eta afaria zein igandeko gosaria. Hala ere, aurretik praktikatzeko aukera emango dute Gorlizen. Urtarrilaren 30ean eski ikastaroa egingo dute Valdezcarayn, Errioxan. Izena emateko (pdf) kultur etxera (Krutzeta kalea, 5 / 946 774 000) jo beharko dute guztiek, hilaren 24a azken eguna dela. "Diru-sarreraren egiaztagiria ekartzen den hurrenkeran emango dira plazak baliozkotzat", tokiko iturriek zehaztu dutenez. Argazkia: © Gorliz.net.Hamar urtera arteko umeek 32 euro ordaindu beharko dituzte autobusa eta forfaitagatik, baldin eta Gorlizen erroldatuta badaude. Kanpoko neska-mutilek, berriz, 39 eurotan izango dituzte horiek. Helduei dagokienez, 37 eta 45 eurotan, hurrenez hurren. Bitartean, materiala alokatzeagatik 19 euro kobratuko diete helduei eta 16 euro haurrei. Azkenik, bi ordutako ikastaroa 11 eurotan izango dute guztiek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun