Getxoko Udaltzaingoak 25 urteko Barakaldoko gizon gazte bat atxilotu du, hainbat etxebizitzatan lapurtzen saiatzea egotzita. B.S. inizialak dituen ustezko lapurrak hainbat aurrekari ditu osteagatik, tokiko iturrien arabera. Larunbatean, urtarrilaren 15ean, 19:30ak aldera, lekuko batek jakinarazi ei zuen Areetako Ibaigane kaleko 33 zenbakiko etxebizitzaren barruan bi gazte zeudela, eskailburuko leihoak manipulatzen, hortik sukaldeetako leihoetara pasatu eta pisuetan sartzeko. Auzokideek bertaratu ziren udaltzainei esan zieten gazteek korrika alde egin zutela Areetako metro geltokikorantz. Horren barruan, lekukoei emandako deskribapenari esker, poliziek ustezko lapurretako bat aurkitu eta atxilotu zuten, eskuko telefonoz era disimulatuan hitz egiten ari zela. Gainera, eskailerako leiho batzuk zabaltzeko erabili omen zuen bihurkina publizitate kartel baten atzean ezkutatuta aurkitu zuten. Antza denez, berarekin zihoan beste gizon bat nor den ikertzen ari da Udaltzaingoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun