Eskalada eta mendiari buruzko jardunaldiak egingo dituzte bihartik aurrera Leioan

Hurrengo egunetarako hitzaldi sorta antolatu du Leioako Eskalada Taldeak. Gauzak horrela, bihar, asteartea, "Escaladas selectas desde los Pirineos a los Alpes" izenburuko solasaldia eskainiko du Unai Mendia eskalatzaileak. Ostegunean, berriz, Nico Fravresseri helduko zaio txanda: "Asgarth. Escalada extrema. Isla Baffin (Canada)" lelopeko saioa eskainiko du. Aipatu bi ekitaldiak 20:15etik aurrera izango dira, Errekalde plazan lekututako adinekoen etxeko ekitaldi aretoan, Kultur Leioa atzean. Hilaren 26 eta 27ko hitzaldiak, ordea, Sabino Arana Etorbideko Sakoneta kiroldegian egingo dituzte: "De la vieja escuela a la escalada moderna" eta "Torres Bugaboos. Canada 2010" izenburuko solasaldiak eskainiko dituzte Jotak eta Garzik, hurrenez hurren. Argazkian, mutil bat Leioako Udondo gaztetxeko eskalada murruan.