Udalbiltza auziko sententzia ostegun honetan, urtarrilak 20, jasoko dutela jakinarazi zuen joan den ostiralean Maribi Ugarteburu auzipetu eta Amorotoko alkate ohiak, Espainiako Auzitegi Nazionalean epaituak izan diren 21 euskal herritarren izenean. Halere, Madrilera joan beharrik ez eta Javier Gomez Bermudez Espainiako magistratuak defentsako abokatuei helaraziko diela adierazi zuen Berria.info agerkari digitalak zuzenean eman zuen prentsaurrekoan. Udalbiltzako auzipetuez gain, politika, gizarte, kultura eta euskalgintzako ordezkaritza zabala izan zen agerraldian. Bertan egon ziren, LAB, ESK, EHNE, Hiru eta EILAS sindikatuetako ordezkariak; ezker abertzalea, Eusko Alkartasuna, Aralar, Alternatiba eta Ezker Batuko hautesleak; hainbat udal hautetsi; eta kultura eta euskalgintzako ordezkaritza. Hain zuzen ere, bihar, sententziaren bezperan agerraldiak egingo dituzte hainbat herritan "Udalbiltza aske, justizia absoluzioa" lelopean. Algortan, besteak beste, iluntzeko zazpietan jarri dute hitzordua, Telletxe plazan. Argazkian, "Udalbiltza aske!" lelopean, 45 lagunek egin zuten elkarretaratzea Algortako Kasino plazan, 2010eko urriaren 23an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun