Bestalde, ireki zen hil berean okupazioa %50ekoa izan zen, 16 egunetatik 8 egunetan egon zen beteta. "Gutxi-gutxika, gero eta lagun gehiagok egin zuten eskaria txokorako, ezagunagoa egiten zen bitartean. Baina, maiatzetik aurrera izan da eskariaren kopurua nabari igo zenean, udaberriarekin erreserbak handitu egin ziren, adibidez ekainean 314 erabiltzaile izan zituen txokoak, 15 talde desberdinetan banatuta (eguneko 20 lagun)", azaldu dutenez. Urria eta azaroa ere mugimendu askoko hilabeteak izan ziren, Gabonak hurbiltzen ziren heinean ospakizunen kopurua ere handitzen delako.
Erreserbak
Gutxienez, 15 egun lehenago, eta gehienez, 30 egun lehenago bete behar da eskaera orria Udalaren Erregistro Sailean. Halaber, eskatzaileak DNIaren fotokopia eraman beharko du. Eskaera erregistro[abildua]leioa.net posta elektronikoaren bidez ere egin daiteke.
Zuhatzu txokoa 2010eko otsailaren 13an zabaldu zuten Leioako San Bartolome auzoko kultura-gune berrian. Ordutik abenduaren 31ra bitartean, 1.763 lagun izan dira bertan, "okupazioaren %73era iritsiz", udal iturriek zabaldu dutenez. "Nahiz eta udal ekipamendu honek harrera ona izan orokorrean aste barruko eskariak gutxi izan dira, orokorrean erreserba guztiak asteburuetan biltzen dira, ostiraletik igandera", azaldu dute tokiko arduradunek. Izan ere, jaiegunetan egin izan dira eskari gehienak: "erreserbak nabari hasten ziren egun hauetan, jai egun bakoitzeko hamar eskari bilduz", azaldu dutenez. Larunbatak ere jendetsuak izaten dira hiru eskariekin bataz beste. Hori honela, hilabete guztietako larunbatetan txokoa okupatuta egon da. Igandeetan, berriz, eskaria nabari jaitsi egiten zen. Hortaz, asteburuetan izandako okupazioa %64,78koa izan da, hau da, 159 egunetatik 53 egon da hartuta txokoa. Argazkia: © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun