Apurtun lan egin eta informatzen duten pertsonak ez dira "terrorista arriskutsuak" ezta ezeren kolaboratzaileak ere. Badira, argi eta garbi, herriak sistemaren hedabideek helarazten dizkiguten errealitateetatik apartekoak entzun ahal izan ditzan lan adoretsu eta egundokoa egiten duten pertsonak.
Horregatik, askatasunean berehala utz ditzaten eskatzen dugu. Ordenagailuaren aurrean edo kameraren atzean nahi ditugu, guri igortzeko albisteak eta iritziak eskuratuz. Jende orok eta, batez ere, zapaldutakoek eta ohiko hedabideetan inoiz ahotsik ez dutenek diotena jakitea interesatzen zaigulako.
Atxilotuak askatu ditzaten eta lur honetan politika eta informazioa askatasunez egin ahal dadin exijitzen dugu. Behean sinatzen dugun kontrainformazio komunikabideok gaur Apurtu gara eta Estatuari norbanakoen, adierazpen eta politika egiteko askatasunen aurkako bere erasoak bertan behera utz ditzan eskatzen diogu.
Komunikatu honekin bat egin nahi duen kontrainformazio komunikabideak Boltxeren posta elektronikoan jakinarazi dezake, gehitzeko: boltxekolektiboa[abildua]gmail.com
Sare Antifaxista, LLibertat.Cat, Boltxe Kolektiboa, La Haine, Diario Liberdade, Kaosenlared, Infomiranda (Miranda Ebro), Infopunt.vlc (Valentzia), Koska Irratia, En las calles (Murtzia), Colectivo Pakito Arriaran, Herrikolore (Barakaldo), ASEH (Portugal), Identidad Andaluza, Insurrectas y Punto, Burlataherria.org, Stolpkin.net, Pintxogorria, Ekinklik Argazkiak, CNTko prentsa eta kultura idazkaritza, Garesko Azalan, Informacionyagitacion.blogspot.com, calpa.nuevaradio.org, La Plataforma, Altzoan.com, Anarchy Television, Hitzondo.net (Altsasu), Prensadefrente.org (Argentina), O Rudidoira da Galiza, Laclase.info, Nodo50, Galizalivre.org, Aurreraathletic.foroactivo.com/forum, Poetasdelgradocero.blogspot.com (Honduras), Rufierta.aragonyenazion.info, Antton.net, Insurgente, Non Serviam, Ukberri.net
Berriro ere razzia batek euskal lurrak erraustu ditu, politikoki jarduteko eskubidea erabiltzea besterik egiten ez zuten hainbat hiritar eramanez. Oraingo honetan, esku-burdinak jarrita eta atxilotuta eraman dituzten pertsonek informatzeko eskubidea jorratzera mugatzen ziren, idazki hau sinatzen dugunok bezala, kapital handiak eta espainolismoak agintzen dituzten parametroetatik urrun. Beste behin ere, argi gelditu da egun Euskal Herrian burutzen den bortxakeria bakarra estatu frantsesak eta espainolak gidatzen dutena dela. Eraso hau eraso bikoitza izan da, alde batetik, ezker abertzaleak darabilen bakearen eta gatazkatik gako demokratikoetan ateratzearen aldeko apustua baldintzatzen saiatzean; beste aldetik, informatzeko eta iritzia emateko askatasunaren aurkako erasoa izanik. Adierazpen askatasunaren aurkako erasoa, bere inposizioak besterik onartzen ez duen eta herrien ahotsa entzun nahi ez duen edozein estatuaren neurrikoa... hots, estatu totalitarioen neurrikoa izan da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun