"Udalbiltza aske, justizia absoluzioa!" lelopean, 50 bat gizon-emakumek egin dute elkarretaratzea, gaur iluntzean, Algortako Telletxe plazan. Izan ere, bihar, osteguna, ezagutzera emango dute Udal Hautetsien Biltzarraren kontrako auzian Espainiako Auzitegi Nazionalean epaituak izan ziren 21 euskal herritarren kontrako epaia. Atzoko atxiloketak ere ez dituzte ahaztu nahi izan. Gauzak horrela, bihar bertan, "azken erasoen aurkako kontzentrazioa" izango da Itzubaltzeta / Romon. Hitzordua 19:30ean jarri dute Kolas plazan, Santa Eugeniako eskoletatik gertu. Bestalde, larunbatean, Iruñeako nazio manifestaziora joateko autobusa igaroko da Algortatik. Getxo 1 institutuko errotonda parean hartu beharko da. Hala ere, ohiko lekuetan izena ematea eskatu dute. Argazkian, Udalbiltzaren aldeko elkarretaratzea Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun