"Ezbeharraren nondik norakoak eta egiten ari diren ikerketak kontuan hartuta, ondokoak izan daitezke gertaeraren zergatiak: Bizkaiko Zubiak segurtasun neurri egokirik ez izateak", adierazi dute mutilaren senide eta lagunek. Azterketa lanak egiteko, transbordadorea gelditu beharko dute Areeta parean, Bizkaiko Zubiak beharrezko segurtasun neurriak betetzen dituen ala ez egiaztatzeko. Izan ere, Mikel Uriarteren gertukoen ustez, Bizkaiko Zubiak "ez du inolako segurtasun arautegirik betetzen" eta ezbeharrak saihesteko neurriak "zaharkituta" daude. Besteak beste, hiru lirateke arazoak: "batetik, transbordadorearen zorua egurrezkoa denez, euria ari denean labain egiten dute ibilgailuek. Bestalde, aurreko eta atzeko heziek ez daukate segurtasun kisketarik. Azkenik, egungo langa edergarria baino ez da". Stop Accidentes eta trafiko istripuak ikertzeko Espainiako AEIAT elkartearen laguntzaz, Bizkaiko Zubian bertan sinadurak batzen ere ibili dira zendutako mutilaren adiskideak. Transbordador de Bizkaia SL enpresari dagokionez, ez dirudi hartutako erabakiaren gaineko azalpenik eman gura dutenik nagusiek. Bizkaiko Zubira deituta, tokiko arduradunak "bilduta" zeudela eta "noiz amaituko zuten ez zekiela" adierazi dio UKBERRI.NETi bertoko langile batek. Nahiz eta kontaktuan jartzeko aukerarik eman, horretarako ahaleginik ez dute egin enpresako buruek.
Ikusi gainontzeko argazkiak:
Mikel Alexander Uriarte Gonzalez 22 urteko gaztea hil egin zen, 2010eko irailaren 8an, autoarekin Bizkaiko Zubiaren transbordadoretik erorita, Portugaletetik Areetara igarotzen ari zela. Gauzak horrela, "azalpenik ez duen eta ekidin zitekeen" zorigaiztoko jazoera horren ondotik, gertatutakoa argitzeko beharrezko probak egitea agindu die dagokien adituei Barakaldoko Instrukzio Epaitegiak, mutilaren senide eta lagunek atzo aurreratu zutenez. Horretarako ordua ostegun eta ostirala arteko gau-goizalderako zeukaten jarrita. Hala ere, zendutako gaztearen gertukoek adierazi dutenez, gaur gauean azterlanak egiten ez diotela utziko jakinarazi omen diote epaitegiak izendatutako perituari Transbordador de Bizkaia SL enpresako arduradunek. "Antolaketa arazoak dituztela jarri dute argudiotzat. Gainera, datorren astean hitz egiteko gonbitea luzatu digute, azterketa lanak egiteko data eman nahi izan gabe", azaldu dutenez. Gauzak horrela, Mikel Uriarteren senideek euren abokatuak premiatu dituzte epaitegiari agindu judiziala eskatzera. Hori eskuan, enpresak utziko ez balu, Transbordador de Bizkaia SL "zigortzea eta polizia bertan izatea" ere eskatu dute. Argazkian, Bizkaiko Zubian bertan sinadurak batzen ere ibili dira zendutako mutilaren adiskideak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun