Gazte Independentistek urtarrilaren 27ko greba orokorrera deitu dute Algortan

ELA, LAB, EILAS, EHNE eta Hiru sindikatuek greba orokorra deitu dute urtarrilaren 27rako Hego Euskal Herrian, pentsioen sistemaren erreformaren aurka egiteko. ESK, CNT, Hego Euskal Herriko Pentsiodunen Plataformak eta beste hainbat erakundek ere bat egin dute deialdiarekin. Besteak beste, Algortako Gazte Independentistek antzezpena egin dute gaur arratsaldean Telletxe plazan, osteguneko lanuzteetara deituz. Hesiz inguratuta, "kaleratzea merkatu" nahi dutenez, euren buruak langabezian ikusten zituzten "behin-behineko langile" bi "lanean" ziren plaza erdian. Begira zebiltzan bi diplomatu berriek ere ez zeukaten batere argi. "Karrera ikasita lana" izango zutela eta "orain langabezian" daudela irakur zitekeen togetatik zintzilikatutako karteletan. Gauzak horrela, urtarrilaren 27an greba orokorrarekin bat egitera deitu dituzte gazteak.