Grebari buruz arituko da bihar Koska irratia

Uribe Kosta eta Erandioko beste hainbat eragilek bezala, Koska irratiak ere bat egin du urtarrilaren 27rako Hego Euskal Herriko gehiengo sindikalak deitutako greba orokorrarekin. Gauzak horrela, goizean, Info7rekin egingo du konexioa Uribe Kosta eta Erandioko irrati libreak, Euskal Herri mailako aipatu kateak grebari buruz egingo duen saio berezia FMko 108.0n entzungai jartzeko. Goizeko zortzietatik arratsaldeko ordu bietara izango da hori. Arratsaldeko saioa, berriz, Koskak berak ekoiztuko du. 17:00etatik 20:00etara egongo dira entzungai egunak emandakoak. Esatariekin harremanetan jartzeko ondoko helbide elektronikoa egongo da eskura: koskairratia[abildua]koskairratia.com. Gogoratu irratsaio biak Internet bidez "on line" ere entzun ahal izango direla. Argazkian, Koska irratiko estudioa.