Urdulizko Igeltzera industria gunean lasaitasuna da nagusi greba eguneko lehen orduetan. Hainbat behargin lanera zelan doazen ere ikus daiteke, Ertzaintzaren patruila auto baten zaintzapean. Berangoko Alconza enpresa, berriz, itxita omen dago. Bitartean, Axpe aldean ez zen apartekorik sumatzen, ez pikete informatiborik, ezta polizia autonomikoaren presentziarik ere. Bestalde, aipatzekoa da Berango erdialdean, Sabino Arana kalean, eta Sopelan saltoki eta taberna gehienak zeudela itxita lehen orduetan. Ikusteke dago oraindik eguna jarraitu ahala zer egingo duten. Baina, bi udalerri horietan ia erabatekoa izan da jarraipena, azken bi greba orokorretan. Merkatalgune handiek baino ez diete trabak jartzen lanuzteei, Berangoko Eroski kasu. Argazkian, 2010eko ekainaren 29ko greban industria guneak zaintzen ibili zen Ertzaintza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun