Sopelan ia erabatekoa da gaurko greba orokorra izaten ari den eragina. "Lau denda baino ez daude zabalik; Udala eta guzti dago itxita", bertokoek nabarmendu dutenez. Tokiko grebalariak, 40 lagun baino gehiago, goizeko hamarrak aldera abiatu dira saltokiz saltoki, lanuzteen zergatien berri emateko asmoz. Tirabirarik ere izan dute Ertzaintzarekin. Supermerkatu batera gerturatu direnean heldu zaizkie polizia autonomikoak piketeko kideei; "ixtera behartu dutela esanda, saltoki bateko jabeak salaketa jarri duela" argudiatuta. Grebalariek hori ukatu eta eurena pikete informatiboa dela azaldu diete ertzainei eta hor bukatu da eztabaida. Une oro bi furgoneta eta patruila auto bat izan dituzte zelatan. Bitartean, Urdulizen gora beheratsua izaten ari da grebaren jarraipena. Argazkian, egon da tirabirarik Ertzaintzarekin Sopelan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun