Ehunaka lagunek bat egin dute pentsio erreformaren aurkako martxarekin

Goizean eta arratsaldean lanpostua utziz, piketeetan arituz eta mobilizazioetan parte hartuz egin duten bezala, ehunaka lagunek bat egin dute pentsioen erreformari ezetza emateko eskualde manifestazioarekin, Erandion. Bertan 400 bat lagun metatu dira, Espainiako Gobernuari eta CEOE, UGT eta CCOO erakundeei pentsioak murrizteko eta lanaldia luzatzeko akordioa ez dutela onartuko iradokitzeko. Era berean, ez dira gutxi izan egunean zehar Euzko Alderdi Jeltzaleari ere aipatu "sasi-erreforma" babestea leporatu diotenak. Bestalde, argindarreko prezioaren igoera, BEZaren garestitzea, banku eta aurrezki kutxei emandako dirutzak, onartutako lan erreforma eta polizia ezberdinetan, Armadan edota Erret-Etxean xahutzen diren funtsak aipagai izan dituzte grebalariek. Deiane Arrieta Eskumaldeko ELAren ordezkariak burutu du, euskaraz, eskualdeko manifestazioko ekitaldi sindikala (mp3). Uribe Kosta eta Erandio mailako balorazioa (mp3), berriz, Alberto Gabitu LABeko delegatuak egin du. Argazkian, eskualde mailako manifestazioa Erandion.