![](http://farm6.static.flickr.com/5168/5366791548_2254e6707e_m.jpg)
Oporraldi luzea hartu ostean, gaur, asteazkena, itzuliko dira
Koska irratiko (FM 108.0) uhinetara "ArnasestUK" kirol saioko lagunak. Gainera, ez da nolanahikoa aukeratuta edukia. Besteak beste, Javi Polo Urdaibai taldeko arraunlari algortarrari egingo diote elkarrizketa, gaueko bederatzietan hasiko den irratsaioan. Urtarrilaren 17an 2010eko Getxoko kirolaririk onena izendatu zuten Polo, Algortako Fadura udal kiroldegian egin zuten “Getxo Sasoi Sasoian” Kirol Sarien laugarren ekitaldian. Garaikurrok
Getxoko Udalak ematen ditu eta, horien bitartez, kirolaren alde eta kirolarentzat lan egiten duten pertsona eta elkarte getxoztarrak saritu nahi dituzte. Kirolaririk onenaren saria arraunlari algortarrari ematea erabaki zuen epaimahaia udalerriko zortzi kirol-kazetarik osatuta zegoen, eta horiek botoen %36arekin hautatu zuten. Besteak beste, Kontxako Banderako egungo irabazlea eta TKE Ligako egungo txapelduna da Urdaibai. "ArnasestUK" irratsaioari dagokionez, asteazkenero dago entzungai Koska irratian, FMko 108.0n edo "on line", 21:00etatik aurrera. Argazkian, Javi Polo Imanol Landa alkatearekin batera / © Getxoko Udala.