Plentziako Udalak euskararekiko duen jarrera "gero eta larriagoa dela" salatu berri du tokiko
ezker abertzaleak. "Egoera hau salatzeko asmoz, Udalaz gaindiko erakunde ezberdinen aurrean hamaika salaketa jarri ditugu: udaletxean idazki eta proposamen asko erregistratu dugu; kalean (eta sarean) salaketa kanpainak martxan jarri ditugu... baina momentuz ez dugu ezer lortu", azaldu dute. Nahiz eta Plentziako Independenteak buru dituen tokiko erakundeak "beste alde batera begiratu", euskarak sufritzen duen egoera salatzen jarraituko duela ohartarazi du Plentziako ezker abertzaleak. Oraingo honetan, "kezkak eta haserrea" udal gobernuko kideei e-postaz adierazteko eskatu diete herritarrei: Isabel Zarauza alkateari, Silvia Lopez de Guereñu alkateordeari eta Suso Espinosa zinegotziari. Argibide gehiagorako:
Piztu Plentzia!. Argazkian, abenduan itsasgizonaren estatuaren plaka euskaratzeko eskatu zuten / © Plentziako ezker abertzalea.