Tortura salatuko dute hilabete osoan EHUn
2011ko ots. 7a, 17:30
Otsailaren 13a Torturaren Aurkako Eguna izanik, hurrengo asteetarako hainbat mobilizazio deitu dituzte Euskal Herriko campusetan Presoen Aldeko Taldeek (PAT). Bizkaiko ikastegiei dagokienez, "euskal herritarrak torturatzen jarraitzen dutela" salatuko dute hilabete osoan zehar. Halaber, otsaileko azken asteazkenean edo ostegunean, fakultatearen arabera, kontzentrazioak izango dira. Azkenik, egunotan egingo diren mobilizazioetan parte hartzeko deia luzatu du PATek. Azaldu dutenez, "2010ean 63 euskal herritar torturatuak izan dira polizia indarrengatik. Urteak daramatzagu tortura jasaten, eta salatzen, beraiek praktika hauekin jarraitzen dutelarik. Argi dago torturaren zergatia, eta horren adierazle gisa ikusi daiteke nola azken alditako operazio ezberdinetan torturapean jasotako lagunen izenak baliatuz, operazio berriak martxan ipini dituzten". Argazkian, 2010eko otsailaren 13ko Torturaren Aurkako Egunari helduz, orduko atxilotuek jasandako tratu txarrak gogoratu eta torturarekin bukatzeko eskatu zuten Presoen Aldeko Taldeek (PAT), hilaren 24an, Leioa eta Erandioko campusean / cc-by-sa PAT.Baina fakultate eta ikastegietan ez ezik, herrietan ere egingo dituzte torturaren kontrako mobilizazioak. Besteak beste, Algortan, ostiral honetan, otsailak 11, elkarretaratzea izango da Telletxe plazan. Hitzordua 20:00etan jarri dute. Igandean, berriz, Bilboko Arriaga plazan izango da bateratzea, eguerdiko 12:30ean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun