Aholkuak gurasoentzat:
-Hitz egin seme-alabekin aho betean Interneteko erabilerari buruz eta era seguruan egiteko garrantziaz.
-Chat, Messenger, MySpace, Facebook eta antzekoetan ezagutu duten pertsonei ez dizkietela norberaren datuak eman behar azaldu behar diegu.
-Galdetu behar diegu ikusten dituzten webguneei buruz, norekin hitz egiten duten, zeri buruz…
-Galdetu behar diegu Messenger edo antzeko kontuetan gehitu dituzten datuei buruz: nortzuk diren, non ezagutu dituzten...
-Irakatsi behar diegu mezu beldurgarriak ez direla erantzun behar, eta balizko arriskua azaltzen duten edo deserosoak diren mezuak nola blokeatu ahal diren.
-Erabilera arauak adostu. Hobe da ordenagailua ikus daitekeen leku batean egotea, adingabekoek txat guneak erabili ez ditzaten atea itxita egonda…
-Gurasoen kontrola bermatzen duen softwarea instalatu, honek balizko arriskua azal dezaketen web orri mota batzuetako sarbidea mugatzen du.
-Birusen aurkako zein nabigazio seguruko programak instalatu eta pasahitz zailak ezarri.
-Ez jarri web kamerarik. Egiten bada, mugatu bere erabilera segurtasuneko pasahitza ezarriz.
-Adingabekoek ulertu behar dute jazarpen egoeretan, “gaiztoa” jazarpena burutzen duena dela, haiek biktimak direla eta ez dutela egoera hori ezkutatu behar, baizik eta esatea eta laguntza eskatzea.
-Hitz egin eurekin, konfiantzazko giroan, gaitzespenik gabe, jazarpen edo arrisku egoeren biktimak izaten ari direla sumatzen badugu, eta baieztatzen bada, jarri harremanetan Poliziarekin eta Interneten adingabekoak babesten dituzten erakundeekin.
-Hitz egin eskolako arduradunekin edo beste gurasoekin Interneten eman daitezkeen jazarpen egoerei aurre egiteko prestatu diren estrategiei buruz gehiago jakiteko.
Gomendioak adingabekoentzat:
-Ez hartu kontutan ‘spam’-a, ezezagunen mezuak eta indarkeria erakusten duten edo eduki deserosoak dituztenak.
-Ez eman norberaren edo familiaren datuak: izenak, helbideak, telefono zenbakiak, Interneteko kodeak edo pasahitzak, kreditu txartelen zenbakiak…
-Ez bidali argazkiak ezezagunei.
-Ez erabili web kamerak txat guneak erabiltzerakoan.
-Ez hitz egin txat guneetan ezezagunekin.
-Ez erabili gure adinaren berri eman daitekeen nick edo pasahitzik.
-Facebook bezalako sare sozialetan, ez onartu laguntzat ezagutzen ez diren pertsonak.
-Zuzenean ezagutzen ez dituzun pertsonekin harremanak izateko, erabili doako posta helbideak, Hotmail edo Gmail motakoak.
-Ez hitzartu zitak Internet bidez ezezagunekin.
-Eraso edo proposamen desegokiko susmo txikienaren aurrean, esan zure guraso, irakasle edo konfiantzazko helduren bati.
Euskal Herriko Kontsumitzaileen Antolakundea (EKA)
www.eka.org
Interneten erabilpen seguru eta arduratsua sustatzeko helburuarekin, batez ere adingabeen artean, Internet Seguru baten aldeko Europako Sareak Internet Seguruaren Nazioarteko Eguna burutzen du 2004tik, otsailaren 8an. Aurtengo edizioaren gaia “bizitza birtuala” da eta haren lema “Joko bat baino gehiago da, zure bizitza da”. Adingabeen “nabigazioa” ahalik eta seguruena izan dadin gomendio batzuk eskaintzen ditu Euskal Herriko Kontsumitzaileen Antolakundeak. Argazkian, hainbat neska-mutil ordenagailu aurrean / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun