Salneurriaren barruan sartuko dira: autobusa, egonaldia (Oroel Apart-hotelean, hirunaka edo launaka), bi gosari, larunbateko afaria, forfait-ak, bi orduko ikastaroa euskaraz egunero, ekipo osoko alokairua eta asegurua. Dirua Egizuk zehaztutako Caja Laboral-eko kontuan sartu beharko da, izen-abizenak jarrita. Halaber, DNI zenbakia, altuera eta oinaren neurria ere behar dituzte.
Ondorengo hitzorduei dagokionez, honako hauek nabarmendu dituzte:
Otsailak 27, igandea
18:00 "Goibel" musikala familientzat, Areetako Andres Isasi musika eskolan, Getxoko Kultur Etxeak antolatuta. "Hansel eta Gretel" ipuin klasikoan oinarritutako musikala da, Golden Apple Quartet-en eskutik. Sarrera 4 euro.
Olgetan euskaraz eta Sendi tailerrak
"Olgetan euskaraz" guraso eta euren 2 eta 3 urteko umeentzako proiektu berria da, andereño eta begirale jator birekin elkarlanean egingo dutena. Euskaraz jolasteko eta kantatzeko sortua, euskaraz gozatzeko familian, hemen duzue informazio gehiago, eta interesa baduzue, deitu 685 732 963 telefono zenbakira edo idatzi. Martxoan hasiko dira eta ekainaren hasieran amaitu. Gogoratu Sendiren otsaileko tailerretan izen-emate epea zabalik dagoela.
Aurten inoiz baino arinago dator Egizu Getxo Euskaldun! elkarteak antolatu ohi duen eski-asteburua. "Euskara elkarteetan gabiltzanon kongresua dugu otsailaren 26an eta martxoko hasierako bi asteburuetan inauteriak dira", azaldu dute taldekoek. Horrenbestez, otsailaren 18tik 20ra egingo dute asteburu pasa, Aragoiko eta Frantziako mugan dagoen Sonport estazioan eskiatzen ikasi eta Jakan parrandan ibiltzeko asmoz. Horrenbestez, ostiral horretan abiatuko dira, 18:30ean, Algortako Kirikiño autobus geralekutik. Igandean 21:00ak aldera izango dira bueltan. Egizukoek nabarmendu dutenez, aurtengo prezioak iazko berberak dira: helduek 135 euro ordaindu beharko dituzte, baldin eta berbalagun edo Bizarra Lepoak elkarteko kide ez badira. Azken horiek 105 eurotan izango dute asteburua. Familia bakoitzeko lehen umeak, berriz, 101,25 euro (%25eko deskontua) pagatu beharko ditu; 78,75 euro bazkide edo gurasolagunen seme-alaba baldin bada. Bigarrenak 67,50 eurotan izango du bidaia; 52,50 euro bazkide edo gurasolagunen seme-alaba izatekotan. Eta azkenik, hirugarrenak dohainik. Argazkian, iaz antolatutako eski ikastaroaren irudietako bat / cc-by Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun