Irakasle eta Ikerlari Pertsonala enplegatu publiko ebaluatuena da. Sistema honek eskandaluzko burokrazia maila sortzen du, oso kostu handikoa, gardentasun gutxiko ebaluazio-agentzien mantenua barne.
IIPren soldaten duintzea produktibitate-plusen gehikuntzan oinarritzen jarraitzen du; indarrean dauden 3 osagarri/ebaluazioei (irakaskuntzakoa, ikerketakoa eta autonomikoa) berri bat gehitzen zaie (akademiko globala), eta azken honek aurreko osagarriek ebaluatzen zituzten aspektu berdinak ebaluatzen ditu.
IIPren Estatutuak atea ixten dio Euskal Unibertsitate Sistema Legean aurreikusitako bide laboraleko karrera akademikoari, funtzionario-bidea (kidego estatalak) lehenetsiz eta lan-kontratupeko bidea funtsean formazio faserako eta irudi prekarioentzat utziz.
Proposatzen den lanaldiak ez du kontuan hartzen Europako Unibertsitate Esparruaren aplikazioa (EUE), irakasleriarentzat dakarren funtzio-gama berriarekin ―lanak, mintegiak, aholkularitza, formazio jarraikia, akreditazio mailak, eta abar―. Koste zeroko lanaldi berria nahi da.
Eta hau guztia gutxi balitz bezala, proposatzen diren soldata-hobekuntza guztien inplementazioa 2014ko urtarrilerako aurreikusten den Ekonomia Zorroztasun Planaren amaierak baldintzatua geratzen da.
LABek EAEn Euskal Unibertsitate Sistemaren Lege berria galdatzen du, Europako Unibertsitate Esparruaren behar berriei egokitua eta unibertsitateko irakasleria funtzionario eta laboral osoaren transferentzia jasoko duena.
Euskal Herrian, 2011ko otsailaren 8an.
LAB
www.labsindikatua.org
LAB: "Ikerlari Pertsonal Unibertsitarioaren (IIP) Estatutuak EHU eta NUPeko irakasleria zentralizatu eta burokratizatzen du"
Joan den urtarrilaren 10ean Unibertsitateen Mahai Sektorialean Hezkuntza Ministerioaren eta CCOO eta UGTren artean Irakasle eta Ikerlari Pertsonal Unibertsitarioaren (IIP) Estatutuaren gainean lortutako aurreakordioak oraindik gehiago zentralizatu eta burokratizatzen ditu IIP unibertsitarioaren kidego estatalak. Unibertsitate publikoei maila akademikoan zein negoziazio kolektiboan ekimen-eremuak urritzen zaizkie, eta ordaintzaile diren Autonomia Erkidegoei, paradoxikoki, eskumen-eremua are gehiago murrizten zaie. LABentzat, ez dago zalantzarik, Euskal Herriko instituzioek Unibertsitate Publikoen gestio zuzena egiteak izaera estrategikoa du, eta are gehiago behin eta berriro eskatzen denean ezagutzaren gizartea bultzatzeko. Baina. LABentzat IIPren politikaren ardatz nagusien negoziazio-eremua gakoa izanik ere, ez du garrantzi gutxiago IIPren Estatutu honen edukiak, zeinek UPV/EHU eta UPNA/NUPeko irakasleriari zuzenean eragingo dion. Argazkian, Zientzia eta Teknologia Fakultatea, Leioa eta Erandioko campusean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun