Sahararen aldeko jardunaldia egingo dute bihar Leioan

Ostegun honetarako, otsailak 10, Saharako gatazkari buruzko jardunaldia antolatu du Leioako Gazte Asanbladak. Ekitaldi guztiak Udondo gaztetxean izango dira. Horrenbestez, 19:00etatik aurrera, gatazkaren historiaren eta aurrera daramatzaten proiektuen inguruko azalpenak emango dituzte Fath Leioako Sahararen aldeko elkarteko kideek. Horretaz gain, "Bi herri irrintzi bat" disko eta proiektuaren aurkezpena ere izango da aipatu jardunaldian. Ekitaldiekin jarraituz, gatazkaren egungo egoerari buruzko mahai ingurua egingo dute. Horretan, hiru sahararren ikuspuntua eta iritzia ezagutzeko aukera egongo da. Amaitzeko, tea dastatu ahal izango dute guztiek. Argazkian, uda eskualdean igarotzera etorri ziren Saharako hainbat ume, artxiboko irudian.