Juan Ramon Villanueva Zarate Berangoko EAJko zinegotzia zendu zen atzo 56 urte zituela, gaixotasun larri baten ondorioz, udal iturriek jakinarazi dutenez. Hezkuntza eta Teknologia Berrien Arloko arduraduna izan zen agintaldi honetan eta, datozen udal hauteskundeei begira, hirugarren postuan zegoen jelkide berangoztarren zerrendan. "Bere balioak, ardurak eta onarpenak hurkoaren alde eskuzabaltasunez lan egitera bultzatu zuten, beti ere nabarmenkeriarik gabe. Bere medikuntza ezaguerak zabaldu zituen herritarren artean eta, gure mugetatik harago, batez ere Saharan", azaldu dute tokiko agintariek. Izan ere, familiako medikua ere bazen Berangoko osasun etxean. Familiarrek, lagunek eta herritarrek Juan Ramon Villanuevari azken agurra emateko aukera izango dute bihar, osteguna, udaletxeko batzar aretoan jarriko duten hil kaperan, 17:30etik 19:00etara. Azken ordu horretan, hileta elizkizunak egingo dituzte Santo Domingo de Guzman elizan. Argazkian, Berango, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun