Leioako Udalak behin betiko onartu du Hiri Antolamenduko Plan Orokorraren Aldaketa zehatza, eta horri dagokion Saltuenako Aktibitate Ekonomikoen Parkearen (AEP) ingurumen-inpaktuaren deklarazioa. Santsoena-Santi Mami inguruko ospitale zaharraren lur eremuan kokatuko da enplegua sortuko duen elementu hori. Udalaren eta Udalaz gaindiko erakundeen oniritzia jaso du dagoeneko (urbanistikoak, bideenak, ingurugiroarenak eta lursailaren antolamendurakoak). AEP horrek eraikitako 80.000 metro koadro izango ditu aktibitate ekonomikoetarako, eta 2.000 enplegu sortuko ditu, industria garbikoak eta hirugarren sektorekoak. Udalak Plan Partziala onartu du ere bai. Horrek aipatu proiektua garatzeko balioko du.
EHUko parke teknologikoa
Zientzia-Parkea jartzeko ia 200.000 metro koadroko (20 hektarea) orube handi hori urbanizatzeak 16 milioitik gora baloratutako obrak egitea dakar, udal arduradunek aipatu dutenez. Ikerketa, garapena eta ezagutzan espezializatutako punta-puntako enpresez osatutako parke teknologikoak lekua eman nahi die hurrengo urteetan "kalitatezko" 2.500 enplegu sortuko dituzten hainbat enpresari. Horretarako, 120 milioi euro inbertituko dituzte, 14 eraikin hartuko dituzten 75.000 metro koadroetan eraikitzeko. "Aipatu enpleguei, gainera, aktibitate ekonomikoetarako parkearen lanek irauten duten bitartean sortuko diren ehunka enpleguak gehitu behar zaizkie", gaineratu dutenez.
Ildo beretik, Leioako Udalak eman egin du eraikitzeko bigarren lizentzia, parkearen egoitza-eraikinari dagokiona hain zuzen, 9,5 milioi euroan baloratua. Modu berean, tokiko erakundeak aurki hirugarren lizentzia bat ematea espero du, kasu honetan, Biofisika Unitateari dagokiona, 7 milioi eurokoa. "Gogoratu beharra dago lehen eraikitze-lizentzia, kota zerorainoko lanena, iaz eman zitzaiola espalazio bidezko partikula azeleragailuaren proiektuari, bere osotasunean, eta fase desberdinak hartuta, 180 milioi balio du", azaldu dute Udaletik. Proiektu horiek EAEko eta Espainiako erakundeen laguntza ekonomikoa daukate. "Horrez gain, beste bultzada bat izan dute Estatuko aurrekontu orokorretan, Kongresuan EAJk osatzen duen Euskal Taldeak zenbait zuzenketa aurkeztu dituelako, eta Gobernuak onartu egin ditu", agintari leioaztarrek nabarmendu nahi izan dutenez.
Saltuenako enpresa-guneak bi mila lanpostu sortuko ditu Leioan
2011ko ots. 10a, 13:50
Hurrengo urteetan "aktibitate ekonomikoa eta enplegua sortzeko bi proiektu abian" ditu Leioako Udalak. Batetik, behin betiko onartu du Hiri Antolamenduko Plan Orokorraren (HAPO) aldaketa zehatza, eta horri dagokion Saltuenako Aktibitate Ekonomikoen Parkearen (AEP) ingurumen-inpaktuaren deklarazioa. AEP horrek eraikitako 80.000 metro koadro izango ditu aktibitate ekonomikoetarako, eta 2.000 enplegu sortuko ditu, industria garbikoak eta hirugarren sektorekoak. Dagozkion urbanizatze eta birpartzelatze proiektuak 2011n bideratzea espero du tokiko erakundeak, lanekin hurrengo urtean hasi ahal izateko. Bestalde, unibertsitateko lursailetan EHUko Zientzia-Parkea urbanizatzeko proiektua behin betiko onetsi du Gobernu Batzak. Ikerketa, garapena eta ezagutzan espezializatutako punta-puntako enpresez osatutako parke teknologikoak lekua eman nahi die hurrengo urteetan "kalitatezko" 2.500 enplegu sortuko dituzten hainbat enpresari. "Horiekin guztiekin, Udalak egoitza eta enplegua uztartu nahi ditu Leioan, orekaz; horiek biak oinarriak baitira kalitatezko hiria eraikitzeko, aisia, ekipamendu publiko eta zerbitzu publikoekin batera", adierazi dutenez. Argazkian, Eneko Arruebarrena Leioako alkatea, artxiboko irudian.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun