Otsailaren 17an, gaur zortzi, Nekasarea egitasmoa aurkeztuko dute Leioan, Berbalamiñe tokiko euskara elkarteak antolatutako ekitaldian. Iluntzeko 7:30etik aurrera, Unai Aranguren EHNE sindikatuko kideak hartuko du hitza, Lamia AEK euskaltegian, Uk Agendak zabaldu duenez. Azken urteotan kontsumo talde asko sortu dira, baita Uribe Kostan ere. Ekoizlearen eta bezeroaren arteko harreman zuzena da proiektuaren oinarria eta nortasuna, produktuak bitartekaririk barik irits daitezen kontsumitzailearengana; bertako produktuak dira: barazkiak, gazta, eztia, arrautzak, haragia, eta abar. “Ortutik platerera, baserriko produktuak jateko modu erraza", Berbalamiñekoek aipatu dutenez. Argazkian, 2010eko urriaren 21ean, Sonia Ingunza Arratiako baserritarra eta Nekasareko kideak hitzaldia eman zuen Algortan, Bizarra Lepoan Getxo udalerriko euskara taldeak antolatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun