“Eki izeneko proposamen honek Unibertsitatearen hainbat sailetako ikasle eta irakasleen, erakundeen, teknologia-zentroen eta euskal enpresen parte-hartzea lortu nahi du, energiaren ikuspegitik autonomoa izango den eguzki-etxebizitza baten eraikuntzan" azaldu du Victor Araujo EHUko arkitektoak eta ikertzaileak. Hortaz, proiektua zabalik dago unibertsitate-komunitate osoari eta euskal erakundeei, proiektu handinahi eta erakargarri hau aurrera eramateko; izan ere, "plataforma eraginkorra izan daiteke, euskal gizartearen, bere enpresen eta erakundeen ezagutza, teknologia eta ekoizpen-gaitasuna zabaltzeko, estatuan eta nazioartean".
Solar Decathlon Europe 2012
Ezagutza berriak sortzeaz gainera, Solar Decathlon Europe 2012 lehiaketaren helburua biztanleak inplikatzea da, energiaren erabilera arrazionalagoa egin dezaten. Energiaren erabilera eraginkorragoa egitea bideragarria eta eskuragarria dela erakutsi nahi da, neguan berotasun gutxiago galduko duten eta udan fresko egongo diren etxebizitzak eraikita. Horren ondorioz, berogailua eta aire egokitua gutxiago erabiliko dira. Era berean, gutxiago kontsumitzen duten etxetresnak erabili behar ditugu, eta energia eguzkia bezalako energia-iturri berriztagarrien bidez lortu behar dugu.
Etxebizitza eta Hiri Jardueren Estatu Idazkaritzak antolatu du nazioarteko lehiaketa hau, Madrilgo Unibertsitate Politeknikoak (UPM) lagunduta eta AEBko Energia Departamenduak babestuta. Horrez gain, Madrilgo Udalak eta IDAEk lagundu dute, eta bestelako babesleak izan ditu, hala nola: Saint-Gobain -babesle nagusi gisa-, Shneider Electric, Rockwool, Kömmerling eta FCC.
Ingurumenarekiko errespetagarria izango den etxebizitza eraikitzeko Europako lehiaketan parte hartuko du EHUk
Industrializatu daitekeen eta ingurumenarekiko errespetagarria izango den hiriko etxebizitza iraunkorra eraikitzeko helburuarekin, Euskal Herriko Unibertsitateak (EHU) lehenengoz parte hartuko du Solar Decathlon 2012 nazioarteko lehiaketan, eta lau kontinente eta 15 herrialdetako 19 unibertsitaterekin lehiatuko da. EHUren Arkitektura Saileko Bizi Kalitatea Arkitekturan ikerketa-taldea da proiektu horren gidaria, eta Euskal Autonomia Erkidegoko hainbat erakundek lagundu dute, hala nola Eusko Jaurlaritzaren Etxebizitza, Herri Lan eta Garraio Sailak, Tecnaliak, Energiaren Euskal Erakundeak (EEE), Mondragon Taldeak eta Eraikunek (Euskadiko eraikuntzaren klusterra). Eki izeneko proposamena lantzen ari dira, eta horren helburua da industrializatu daitekeen eta ingurumenarekiko errespetagarria izango den hiriko etxebizitza iraunkor bat diseinatzea: etxebizitza bat, erabiltzaileei bizi-kalitate handia emango diena, diseinu-, ekoizpen- eta eraikuntza-prozesuak bilduko dituen lankidetzako metodologia baten bidez. Argazkian, EHUren proiektuaren aurretiko diseinuetako bat / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun