Bestalde, Karmelo Landa Leioa eta Erandioko campuseko irakaslearen kasuan, akusaziokoek delitua ikusi duten gertaerak izan zirenean europarlamentario zela argudiatu zuen, eta kargu horrek immunitatea ematen duela ohartarazi. Argudio guztiak atzera bota ditu Auzitegi Nazionaleko Instrukzioko 5. Epaitegiak, fiskalari eta akusazio gisa ari diren Dignidad y Justicia eta AVT elkarteei arrazoi emanda.
2002ko apirilean hasi zuen Batasuneko kideen aurkako auzia Baltasar Garzon epaileak. 11 pertsona atxilotu eta 75 herriko taberna bahitu zituen, badaezpadako neurri gisa. Administratzaile judizialak ere ezarri zituen, tabernen diru kontuei jarraipena egiteko. Garai haietan europarlamentarioa zela azaldu zuen Landak; beraz, immunitatea zuela. Akusazioa agintaritza hartatik haratago doala esanez bota du atzera Landaren helegitea auzitegiak. Azkenik, hainbat urtez Getxoko Udalean lan egin eta PPk bertatik kaleratu nahi izan zuen Sabin del Bado sondikarra ere auziperatuta dago sumario honetan.
Jose Luis Franco, Maite Amezaga eta Izaskun Barbarias epaituko dituzte herriko tabernen auzian
Herriko tabernak "ETAren diru iturri gisa" erabiltzea egotzita Espainiako Auzitegi Nazionalak zabalik duen 35/02 auziak ez du oraindik epaiketa egunik, baina egin egingo da, eta 39 pertsona epaituko dituzte. Albiste agentzien arabera, epaiketa aurten egiteko asmoa dute, Berria.info agerkari digitalak larunbatean zabaldu zuenez. Izan ere, 39 auzipetuetatik hamarrek jarritako azken helegiteak ez ditu onartu Auzitegi Nazionalak. 372 urteko kartzela zigorra eskatzen du Fiskaltzak guztira; zortzi eta hamabi urte arteko zigorrak bakoitzarentzat. Akusatuen artean dira Jose Luis Franco eta Maite Amezaga algortarrak eta Izaskun Barbarias urduliztarra, Uribe Kostako Amnistiaren Aldeko Mugimenduak gogoratu duenez. Argazkian, elkarretaratzea Algortan "salbuespen egoera" salatuz, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun