UKBERRI.NETek egiaztatu du testua Google Translatek sortua dela
Plentziako Udalak azkenaldian darabilen euskaraz askotan kexatu da Plentziako ezker abertzalea. Gaur, berriz, PPrekin batera Udal Gobernua osatzen duen Independientes de Plentzia delako taldeak orain dela bi aste zabaldutako Facebook orria kritikatu du Plentziako Kandelaria kultur elkarteak. Izan ere, Kandelariakoek "denbora-pasa" berezia proposatu diete bazkide eta lagunei, Plentziako independenteen orrian ageri den euskarazko testu irakurgaitza ulertzea, alegia. Kulturgileen aburuz, "ez da hain zaila, nahiz eta plensianoz idatzita egon...". Aipatu testua, hitzez hitz horrela dute IP-koek: "Ez-politiko Plentziako auzokideen elkartea 1999an sortu ona eta bertako jendearen oparotasun lana, edozein zeinu politiko pertsona bakoitzeko". Irudi arren, baina, testua ez dago Plentzia jada ezagun bihurtu duen euskañolkian, Google Translate tresna informatikoko "Spanish-Basque" aplikazioak erabiltzen duen euskaran baizik. Googlek berak argi uzten du aplikazioa "alpha" egoeran dago, emaitza zuzenak ematetik oso urrun oraindik. Bere aldetik, Facebook-en IndePPendientes de Plentzia profila norbaitek sortu duelako kexatu zen atzo Independientes de Plentzia taldeak.
Kandelaria elkarteak salatutako euskarazko testua
UKBERRI.NETek egiaztatu du testua Google Translatek sortua dela
UKBERRI.NETek egiaztatu du testua Google Translatek sortua dela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun