Ofizio askotako langilea edo peoia (elektrizitatea, igeltserotza, iturgintza, pintura, landa-bideak garbitzea edota landa-eremuen atontzea) da tokiko erakundeak bilatu eta kontratatu duen profila. Hasteko, herriko hainbat kaletako espaloiak konponduko dituzte: Europa plaza, Karl Marx (Aldaieta kalerantz doan aldean), Jose Luis Goioaga (San Jeronimo eta Obieta artean) eta Antonio Trueba, besteak beste. Gazteei dagokienez, Udalak hamabost langabetu kontratatuko ditu sei hilabeterako "+Euskadi 2009" programaren bidez. 34 urtez azpikoak dira guztiak. Ekimen berri horrekin, kontratatutako pertsonek umeen eta adinekoen behar sozialak asetzen egingo dute lan, aisialdirako programa berrietan. Bideratutako zerbitzuak honakoak izango dira: bi ludoteka, bata Altzagan eta bestea Astrabuduan; adinekoentzako jarduera zikloak, sei hilabetez, ziklo bakoitzak 15 eguneko iraupena duela; eta belaunaldien arteko udaleku irekiak, bi asteko zikloetan.
2010ean 123 lanpostu
Erandioko Udalak 123 lanpostu sortu zituen 2010ean, Behargintzak bultzatutako hainbat ekimenaren bitartez. Horri gehitu behar zaio beste 121 lagunek jaso zuten heziketa hainbat espezialitateetan. Auzolan lan-gizarteratzeko programari esker, 24 lagun kontratatu ahal izan ziren sei hilabetez, landa bideak garbitu eta eraikinak mantentzeko. Etxez-etxeko laguntzaileen enplegu tailerrak 9 emakume langile izan zituen. Lanbide Lanpostu 2010 programak bidea eman zuen 90 lanpostu berri sortzeko. Halaber, Hasierako Lanbide Prestakuntzako Programak 48 ikasle izan zituen, hainbat espezialitatetan (iturgintza, elektrizitatea edo gozogintza). Lanerako prestakuntzaren arloan, sei heziketa-ekintza eraman ziren aurrera: garbitasuna, sormen-teknikaria, dendako saltzailea, sukalde laguntzailea, ile-apainketa/estetika eta giza-baliabideak. Denera 73 lagunek parte hartu zuten.
Tartangako labadero zaharra berritzen dabiltza Erandioko zortzi langabetuk
2011ko ots. 17a, 11:35
Altzaga auzoan kokatutako Tartangako labadero zaharra berritzen ari dira zortzi langabetu erandioztarrek, Erandioko Udalak Integrando Fundazioarekin eta Eficient enpresarekin izenpetutako hitzarmenari esker. Enplegua lortzeko zailtasun handiak dituzten pertsonak laneratzeko eta gizarteratzeko helburua du aipatu ekimenak. Horrenbestez, ikuztegiaren barrualdea garbituko dute, baita ura biltzen den lekua ere, eta hormak zarpiatu eta pintatu egingo dituzte. Kanpoaldean, beheko partea harrizko geruza batez estaliko dute eta goiko aldea konpondu, zarpiatu eta pintatu; baita lau zutabeak ere. Bestalde, Udalak enplegu programa berri bat abiatu du orain gutxi, herriko 25 gizonezko langabe kontratatzeko, sei hilabetetarako. Lanbidek hautatu ditu 25 horietatik 12 lagun. Horiek guztiek gizarte-prestazioak edo laguntzak jasotzen zituzten. Bitartean, gainerako 13 pertsona hautatzeko, irizpide bakarra erabili du Udalak: langabezian daramaten denbora. Langile berriek obra eta zerbitzuetako udal brigadako kideen lana osatuko dute. Argazkian, langileak bisitan joandako udal arduradunekin / © Erandio.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun