Eskola autobus baten matxurak ilarak sortu ditu goizean Avanzadan

Ilara luzeak eragin ditu gaur goizean Avanzada errepidean Erandioko tartetik igarotzen ari zen eskola autobus batek. Herrizaingo Sailak "El Correo Español" egunkariaren bertsio elektronikoari jakinarazi dionez, gertaera goizeko 7:45ean jazo da, publiko egin ez diren arrazoiak direla medio autobusa Avanzadako errepidean (BI-637) geldi geratu denean, Bilborako noranzkoan, erdiko errailean. Horren eraginez, ilara luzeak sortu dira errepide osoan ordu batez. Dena den egoera ez da normalizatu goizeko 10ak arte. Izan ere, behin matxura konpondu ostean, ordu horretan abiatu da berriz autobusa. Argazkian, Ertzaintzaren trafiko kontrol bat, artxiboko irudian / cc-by Irekia.net.