Bigarren, gure erakunde politikoa beste proiektu eta alderdi batzuekin lotzeko asmoa adierazten duen berria salatzen dugu. Cuatro telebistak, berria kontrastatu gabe plazaratu duenean, bere informazio eredua kalitate gutxikoa dela erakutsi du.
Cuatro telebista kateko informazio zerbitzuen jarrera salatzen dugu, kazetari bati eskatzen zaion seriotasunari uko egin diotelako. Ez dute ezer kontrastatu edo egiaztatu. Ez dute ezta gure erakundearen izena ere ondo esan. Kazetaritza-zaborraren historian beste orri bat idatzi dute. Deigarria den izenburua eta intrigazko edukia lortu dute, baina dena gezurra da.
Era berean, Sortu alderdi politikoaren legalizazio eskaeraren inguruan poliziak egin duen txostenean gure erakundea aipatzen dela salatzen dugu. Berriro ere estatuaren segurtasun indarrek beren profesionaltasun eza eta guztion eskubideak babesteko gaitasun eza agerian utzi dituzte, eta indarrean dagoen legediak ezarritako baldintza guztiak betetzen dituen Sortu alderdi politikoa legez kanpo uzteko edozer egiteko prest daudela ematen du, baita susmo edo arrasto faltsuak erabiltzeko ere.
Hirugarren, gure aldetik, berriz ere, alderdien lege antidemokratikoaren kontra agertzen gara, Sortu alderdi politiko legala izatea aldarrikatzen dugu, eta euskal hautesleetako zati baten partizipazio politikoa oztopatzeko Gobernuaren eta Fiskaltzaren trikimailuak salatzen ditugu. Horregatik “Bakerantz: legalizazioa” lelopean Bilbon bihar egingo den manifestazioan parte hartzeko deia egiten dugu.
2011ko otsailak 18.
Antikapitalistak
www.antikapitalistak.org
Bart Cuatro telebista kateak gaueko informazio saioan zabaldutako berriaren aurrean, Antikapitalistak erakunde politikoak honako hau azaldu nahi du. Lehenik eta behin, gure erakundea ez da, inolaz ere, ezker abertzalearen trikimailurik udal hauteskundeetan parte hartzeko duen bidezko eskubidea lortzeko. Gurea proiektu politiko autonomoa da, ganorazkoa. Gure militanteek oso anitza den euskal ezker alternatiboan ibilbide luze, publiko eta ezaguna daukate. Beraz, ez dugu inolako zerikusirik beste inoren estrategiekin eta gure proiektu politiko propioak ordezkatzen dituen interesen alde lan egiten dugu. Argazkia: cc-by-nc Antikapitalistak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun