Euskal Herriko bertsolari gazteentzako Abra Saria gaur zortzi, otsailak 25, jokatuko da Algortan. Ez da edozein edizioa izango, hamargarrena baizik. Urteurren borobilak zer ospatu eta zer gogoratu eman dio Algortako Bertsolari Eskolako (ALBE) antolatzaileei. Gauzak horrela, sariketari freskura emanez, bertso-afari formatuan abestuko dute aurtengo bertsolariek. Etxeko ordezkaria Imanol Uria Albizuri algortarra izango da, Jone arrebak iaz irabazitako txapela tokian gelditzeko ardura bizkarrean hartu duena. Bertsokideak, Eneko Arrate markinarra, Ainhoa Comas amurrioarra, Ainhoa Mujika beasaindarra, Asier Azpiroz zubietarra eta Iñaki Aleman iruritarra izango ditu. Gaiak Beñat Vidal leioaztarrak banatuko ditu. Argazkian, Jone Uria Albizuri iaz, Abra Sariko txapela jantzita.
Abra Saria Algortako Ugartena jatetxean jokatuko da, Karitate kaleko 2. zenbakian, Teilagorri plaza ondoan. Hitzordua ostiral iluntzean jarri dute, 21:00etan. ALBEk zehaztu duenez, "aurretik, afaria eta ondoren, saria" izango da. Sei bertsolarien arteko nor baino nor lehia Asier Ibaibarriaga, Martin Aramendi, Iñaki Aurrekoetxea eta Patxi Larretxea epaileek baloratuko dute, txapela zeinen burura joango den erabakiko dutela.
Afarirako txartelak eskuratzeko aukera jada zabaldu du ALBEk, horretarako albegetxo[abildua]gmail.com posta elektronikora idaztea edo 605704385 telefonora hots egitea baino ez dela egin behar. Hamabi euro kostatuko du afariak.
Aurreko edizioak
Jon Sarasua, Jesus Mari Irazu, Unai Iturriaga, Igor Elortza, Estitxu Arozena pasatu ziren lehenengo urteetan Abra jaialdiaren oholtzatik. Hasiera batean udaberriko bertso-jaialdia izan bazen ere, 2002an sariketa bihurtu zuen ALBEk. Geroztik, Nerea Elustondo, Jon Martin, Xabier Paya, Ohiana Bartra, Maddalen Arzallus edota Jone Uriak bete dute Abra sariko txapeldunen zerrenda. Euskal Herri osoko bertsolari gazteekin gauzatzen ohi dute kartela, 19 eta 22 urte bitartekoak izaten direla beti. Horrezkero, 60tik gora bertsolari gazte pasatu dira Abra Sariaren taulatik. Aurtengo berrikuntza, berriz, afari formatua izango da. Sariketa afaldu ondoren jokatuko da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Euskal Herriko bertsolari gazteentzako Abra Saria gaur zortzi, otsailak 25, jokatuko da Algortan. Ez da edozein edizioa izango, hamargarrena baizik. Urteurren borobilak zer ospatu eta zer gogoratu eman dio 