Mendekotasuna duten pertsonen jagoleentzako ikastaroak antolatu ditu Getxoko Udalak
Getxoko Udalak menpeko egoeran dauden pertsonen zaintzan dabiltzanei zuzendutako bi ikastaro antolatu ditu Hobetuz fundazioarekin elkarlanean, jagoleentzako psikologia taldeko programaren barruan. Izena emateko epea martxoaren 1etik 15era egongo da zabalik. Doako bi mintegiak Algortako Urgull kaleko Gizarte Zerbitzuen egoitzan izango dira, 16:30etik 18:30era eta dependentzia agiria eta diru-laguntzaren bat duten zaintzaileei zuzenduta daude. Eskaerak udalerriko herritarren arretarako bulegoetan aurkeztu beharko dituzte eskatzaileek. Informazio gehiago 944 660 151 telefono zenbakian zein gizartez[abildua]getxo.net helbide elektronikoan eska dezakete interesatuek. “Autocuidado: gestion de las emociones en las personas cuidadoras” izeneko ikastaroak 16 orduko iraupena izango du eta martxoaren 22an eta 29an, apirilaren 5ean eta 12an, eta maiatzaren 3an, 10ean, 17an eta 24an egingo dute. “Manejo de situaciones dificiles en personas dependientes” mintegiari dagokionez, maiatzaren 5ean, 12an,19an eta 26an eta ekainaren 2an eta 9an izango da. Argazkia: © Leioa.net.
Zaintzaileen emozio-egoera familia giroan hobetzeko helburuarekin, zaintzari lotutako egoera zailetan aritzeko eta emozioei aurre egiten laguntzeko emozioa eskainiko dute lehenengo ikastaroan; baita emozioak ordenatzeko estrategiak eta norberaren zaintzarako eta komunikazio adierazpen-teknikak ere. Bigarrenak, berriz, menpeko egoeran dauden pertsonen zaintzan sor daitezkeen egoera zailei aurre egiteko estrategiak eskaini nahi ditu. Horretarako, egoera zail ohikoenak identifikatzen lagunduko dute; horiek eragiten dituzten ondorioak aztertuko dituzte eta egoera horiek familia giroan zein emozioetan duten eraginari buruzko hausnarketa ere egingo dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun